Егор
Афанасьевич
ПОДЕЛИТЬСЯ СТРАНИЦЕЙ
История солдата
Республика Коми Усть-Куломский район д. Кырныша
Родился 1903 году. Призван Усть-Куломским РВК октябрь.1942 г. 30 отд, дегазационная рота. Вернулся в сентябре 1945. Проживал в д. Кырныша
http://vk.com/club32076293?z=photo-32076293_359253595%2Falbum-32076293_214084134
Воспоминания
Демина Наталия. 8 класс 2015 год
Кӧть эськӧ пӧшти быдса нэм нин прӧйдитӧма война кадсяньыс, но важ фотокарточкаяс отсалӧны кутны паметьын история. Бать-мам, ыджыд бать-ыджыд мам, пӧль-пӧчлӧн казьтылӧмыс фотояс пыр вуджӧны миянлы, а сэсся миянсянь водзӧ.
Меным гортысь сюри фото, кӧні пӧрысь пӧль да сылӧн семьяыс.Гӧтырыс, Меланья Петровна,пукалӧ.Сы бокын пиыс, Демин Евлогий Егорович, кутӧ ассьыс кагасӧ, Алексейӧс. Пӧрысь пӧль бокын сулалӧ менам ыджыд бать – Демин Геннадий Егорович.
Пӧрысь пӧльӧй - Демин Егор Афанасьевич- ветліс война вылӧ. Локтіс! Ужлӧма Кырнышаын, нэм чӧжыс сэсся тані и оліс. Школьнӧй архивысь сюри мамӧӧн на гижӧм сочинение. Со мый гижӧма пӧрысь пӧльӧн казьтылӧясысь: « Первой миянӧс мӧдӧдісны Вологдаӧ. Сэні организуйтчис 165-ӧд минометнӧй полк. Ме уджалі ездӧвӧйӧн. Олім сэні зэв дыр. Кӧрт туй кузя миянӧс нуисны Ленинградскӧй полк вылӧ. Вӧчалім вӧрас чомъяс. Öтикысь весиг эг биасьлӧй, медым немечьяс эз казявны.Ме кыскалі прӧдукта часьтлы.Öтчыд менам сеян-юаныд киссис, ме заводиті лэптавны.Виччысьтӧг доймис коскӧй, да мӧдӧдісны госпитальӧ. Бурдӧдісны да лэдзисны гортӧ. Гортын тӧлысь олӧм бӧрын менӧ бӧр босьтісны . Нуисны Ленинградскӧй обласьтӧ, Оять станцияӧ. Первойсӧ сэні мыйсюрӧ вӧчим.А бӧрыннас сетісны автомашина. Регыд мысти меным ӧтнамлы сетісны «Отличный шофер» значок. Миян кутісны наступайтны. Ладейнӧй поле карті ми вӧтлім немечьясӧс.Карсӧ дзоньнас вӧлі жугӧдӧаӧсь. Сэки миян часьт шусис обмывочно-дегазационнӧй рота.Сэсся миянӧс ыстісны Мурманскӧ. Немечӧс сэтысь вӧлі коллялӧма. Дыр сэні олім. Врагсӧ вӧтлім Норвегия граница дорӧ. Сэсянь мияняс бӧр бергӧдісны. Мурманскын сетісны «За победу Заполярья» медаль. Война кусі. Вайисны миянӧс Ярославльӧ. Олім кымынкӧ лун. Менӧ босьтісны 12-ӧд запаснӧй полкӧ. Кӧрт туй кузя пыр нуины Дальньӧй Востокӧдз.Кореяысь да Китайысь коллялім японечьясӧс.Меным сетісны Сталинсянь благодарносьт. Сы бӧрын лэдзалісны гортӧ. Вои гортӧ 1945-ӧд вося декабрын.»
Тайӧ фотоыс мем зэв дона. Сы отсӧгӧн да важӧн гижӧм сочинение отсӧгӧн ме озырмӧді аслам семьялӧн историяысь тӧдӧмлун. Бур, мый рӧдвуж видзӧны казьтылӧмъяссӧ.
